…er me på veg heimover igjen. Den 11 juni skal eg ha eksamen i makroøkonomi frå klokka ni til ett. Når eg er ferdig skal eg ringa til Gustav. Han skal koma å henta meg, med fullpakka bil, og så set me kursen sørover. Eg gler meg.

I dag er det altså bare tre månader til me er på veg heimover. Eg trur tida kjem til å gå fort framover. Tida pleier å gå fort om våren syns eg. Det er snart påske og etter den er det bare eksamen igjen før sommaren er der. I år gruer eg meg ikkje til eksamen heller, i alle fall ikkje ennå. Eg skal bare ha tre stykker og har god tid til å lesa mellom dei. Det bør gå greit.

Eg gler meg til ta fatt på livet heima. Det er mykje kjekt å sjå fram mot. Eg gler meg til å flytta inn i nytt hus, arbeida eit heilt år og ikkje minst vera med i Fokus og kyrkjelyden igjen. Eg gler meg til å vera saman med alle dei som eg er glad i, saknar og bryr meg om. Det er spanande å sjå kva Gud har for oss heime. Gustav skal ha praksis på Time Lensmannskontor og arbieda turnus. Det vert nytt for oss begge. Eg veit ikkje kor eg skal arbeida eller kva eg skal arbeida med til hausten. Det er ganske spesielt at eg bare skal arbeida eitt år, ikkje gå på skule. Satsar på at eg finn noko kjekt og lærerikt å gjera.

Som eg pleier å avslutta oppgåvene eg skriv på skulen: Alt i alt har Gustav og eg mykje godt i vente!